另外又有日隻maltese﹐食左一D有人刻意放係路邊用黎毒狗既牛肉。
無錯﹐呢個世界就係有D咁無良既人。無論果隻被毒既狗﹐係一隻所謂既流浪狗﹐抑或係一隻被主人視為寶貝既狗﹐始終都係一隻狗﹐一隻有生命既狗﹐點解你要去毒殺佢地呢﹖好彩既就係呢隻狗最後無事﹐係噙晚出院返左屋企喇﹐但之後仲會有幾多無辜既狗狗受害呢﹖有人養既﹐都仲有被救既機會﹐無人養既﹐就要係度受盡折磨﹐不斷屙同嘔﹐直到死亡為止。

上天左賜俾人類一個有用既腦袋﹐我相信並唔係用黎殘害其他既生物。
近年好多不知名既疾病﹐都係由動物引起﹐例如SARS﹐瘋牛症﹐豬鏈球菌﹐禽流感。
呢D病暫時都未有好有效既方法去預防同醫治﹐我感覺就好似依家個天要懲罰人類﹐徵罰佢地既自私﹐徵罰佢地既無情﹐就利用係人類眼中微不足道既動物﹐傷害返所謂最有智慧既人類。